Автоматтандырылған басқару жүйелері курстық жұмысы

КІРІСПЕ

     Көлік жүйесі қазіргі таңда сапалық өзгерістерге ұшырауда. Бір жағынан оның құрылымы өзгеруде: көліктің жекелеген түрлері бірегей басқарылу үшін бірігуде, ірі көлік тораптары мен әкімшілік орталықтарда тәуелсіз көліктік логистикалық орталықтар ашылуда және олар халықаралық көлік дәліздері арқылы әлемдік көлік жүйесінде үйлесімді орын тапқан бірегей логистикалық конвейерді біртіндеп құру үстінде. Дамып келе жатқан нарықтық қатынастар жағдайында көлік жұмысының тиімділігін арттыру, шығындарды азайту, тасымалдау құнын азайту, жүктерді жеткізу мерзімдерін қадағалау және олардың мүлтіксіз сақталуын қамтамасыз ету мәселесі алға қойылады. Бұл жағдайлар тасымалдауларды басқару жүйесіне түбегейлі жаңа талаптар қояды.

Көлік саласын дамытудың аса маңызды бағыты Қазақстан аумағы арқылы өтетін халықаралық көлік дәліздерін дамыту болып отыр. Бұл бағыттың дамуын анықтайтын элементтердің бірі клиенттерге нақты уақыттағы жүктің орналасқан орны мен оны жеткізу болжамы туралы ақпаратты ұсыну болып табылады.

Көлік күрделі инфрақұрылымға және оның шеңберінде туындайтын орасан зор ақпарат көлеміне ие «өндіруші – көлік – тұтынушы» логистикалық тізбегінің аса маңызды бөлігі болып табылады. Жүктерді тасымалдауды басқару үрдісін ақпараттық қамтамасыз ету автоматтандырылған басқару жүйесі (АБЖ) кешенімен жүзеге асырылады. Жүк тасымалдаушылармен ақпараттық өзара әрекеттестік, тасымалдау үрдісінің нақты үлгісін құру және келіп түскен ақпаратты өңдеуге негізделген тасымалдау үрдісін оперативті басқару АБЖ-де маңызды роль атқарады.

Теміржол көлігінде тасымалдауларды басқару тиімділігіне қойылатын талаптардың жоғары деңгейі оны жоғары деңгейде ақпараттандыру қажеттігін анықтайды. Бүгінде ақпараттық технологиялар басқаруды қолдау құралдары болып қана қоймай, көлік инфрақұрылымының аса маңызды элементтерінің бірі болып табылады. Ақпараттық технологиялар АБЖ құруда негізгі технологияларға жатады және тасымалдауды басқаруды жетілдірудің анықтаушы шарты болып табылады.

Көлік қозғаласын ұйымдастыруда электрондық деректер алмасу негізінде коммерциялық және пайдаланушылық процедураларды орындауға мүмкіндік беретін көпмақсатты ақпараттық технологиялар кешені жасақталды және табысты түрде қолданысқа енгізілді. Ол салалық ақпараттық-телекоммуникациялық инфрақұрылымға, соның ішінде, көліктік байланыстардың барлық негізгі порттар мен кеден терминалдарына шығатын талшықты-оптикалық магистральдық сандық желісіне негізделеді. Бұл ақпараттық деңгейде көліктің алуан түрлерінің интеграциясына нақты мүмкіндік береді. Сонымен қатар, Қазақстанның көлік байланысының жоғары жылдамдыққа ие сандық желісі оның шекаралық өтпе жолдар пунктерінде шектесетін көршілес елдердің көлік желілері арқылы әлемдік телекоммуникация желілеріне шығу міндетін шешеді.

Көлік тасымалын ұйымдастырудың ақпараттық жүйелері мүмкіндіктерін оңтайлы түрде қолдану елдің бүкіл көлік кешенінің мүддесіне сай түрлі көліктер арқылы ішкі және халықаралық тасымалдауларды ұйымдастыру барысында басқару мен байланыс шығындарын айтарлықтай төмендету мүмкіндігін береді, көліктік және логистикалық қызметтердің сапасының едәуір артуын қамтамасыз етеді. Ақпараттық технологияларды енгізудің басым бағыттары:

- жүктердің қозғалысын ғаламдық қадағалаумен қамтамасыз ету мақсатында желілік технологиялар негізіндегі көлік пен логистикадағы ақпараттық интеграция;

- Интранет-Экстранет технологиялары негізінде көлік-логистикалық компанияларда және орталықтарда ішкі және сыртқы құжат айналымын жетілдіру;

- логистикалық қызметтер тұтынушылары мен жеткізушілері арасындағы қарым-қатынасты ұйымдастыру үшін виртуалды көлік-экспедиторлық агенттіктер желісін құру;

- келісім-шарттардың, тасымалдау құжаттарының және төлемдердің электрондық нұсқаларын ендіру;

- электрондық құжат айналымына негізделген технологияларды белсенді түрде енгізу жолымен шекаралық өтпе жолдарда жылжымалы құрамның тұрып қалуын болдырмау мәселесін шешу;

- тауар өндіруші және қызмет көрсетуші компаниялардың тұтынушылармен IP-технологиялар платформасындағы ақпараттық интеграциясы.

Кезеңді түрде дамитын көлік қызметін ақпараттандыру жұмысшылардың еңбек өнімділігін және тасымалдау үрдісінің сапасын арттырудың аса маңызды әлеуметтік-экономикалық міндеттерін орындауға, уақыт шығындарына жол бермеуге, еңбек және материалдық ресурстарды әлдеқайда ұтымды қолдануға септігін тигізеді.

Оқулықтың мақсаты – студенттерге көліктік тасымалдауларды басқару жүйелерінің барлық деңгейлерін ақпараттық қамтамасыз етуді автоматтандыру, қазіргі заманғы ақпараттық технологиялар қызметтері жағдайында компьютерлік техникада басқару міндеттерінің шешімдерін (тасымалдау үрдісін нормалаудан бастап диспетчерлік жүйенің барлық деңгейлерінде оперативті басқаруға дейін) жасақтау, жасау және олардың нәтижелерін қолдану әдістері туралы, сонымен қатар, қазіргі заманғы талаптарға сай тасымалдауларды басқаруды автоматтандыру іс-шараларының пайдаланушылық және экономикалық тиімділігін бағалау әдістері туралы кәсіби білім алуға көмектесу.

 1 АВТОМАТТАНДЫРЫЛҒАН БАСҚАРУ ЖҮЙЕЛЕРІ (көліктегі) ЖӘНЕ ОНЫҢ КӨЛІКТІК ҚЫЗМЕТ КӨРСЕТУДІ ҰЙЫМДАСТЫРУДАҒЫ РӨЛІ

 1.1  АБЖ құрылымы

 Адамдар мен техникалық құралдардың басқаруынсыз көлік белгілі бір тапсырмаларды орындай  алмайды.

Көлік қозғалысын басқару жүйесі - күрделі құрылым. Ол келесі ішкі салаларды басқару жүйелерін қамтиды: Көлік және коммуникациялар министрлігі; жол, жол бөлігі, кәсіпорын бойынша үлестірілген функционалды қызметті басқару (мысалы, кадрлар, материалдық-техникалық қамсыздандыру, қаржы) жүйелері.

Көлікті басқарудың автоматтандырылған жүйесін құру, оның қызметін іске қосу және дамыту өзінің күрделілігіне байланысты арнайы ішкі саланы құруды қажет етеді. Бұл ішкі сала тапсырыс беруші мен АБЖ пайдаланушылар арасындағы байланысты қамтамасыз етеді.

Жүйе - өзара қатынастармен байланысқан тұтас, реттелген элементтер жиыны. Басқару деп мақсатты ықпал етуді ұйымдастыру: жүйенің мақсатты және тиімді әрекетін қалыптастыру үрдісі аталады.

Басқару кезеңдері: болжау, жоспарлау, оперативті басшылық ету, есепке алу, бақылау, реттеу, үлестіру, ұйымдастыру және ынталандыру. Бұл ретте әкімшілік және оперативтік басқару, сондай-ақ, оның аспектілері жіктеледі: экономикалық, техникалық, ұйымдық, әлеуметтік, өндірістік, кадрлік, құқықтық, психологиялық және саяси.

Көлік қозғалысын басқару жүйелері күрделі жүйелер санатына жатады. Ол жалпы мақсатқа бағынатын бірнеше өзара байланысқан ішкі жүйелерді (жүк, жолаушылар, жүк жұмыстарын, инфрақұрылымды және т.б. тасымалдауларын басқару) біріктіреді және бағыныңқы бөліктер арасында басқару функциялары үлестірілетін көпсатылы құрылыммен сипатталады. Бұл ретте жүйе оның бөліктері арасындағы ішкі байланыстарды және сол сияқты басқа жүйелермен арадағы сыртқы байланыстарды қолданады.

Көлік қозғалысын басқару үрдісі технологиясы үш кезеңде жүзеге асырылады: көлік  нысандары туралы ақпаратты жинақтау, дайындау және жіберу; басқару бойынша қажетті шешімдер шығару мақсатында алынған ақпаратты өңдеу; басқарушылық ұйғарымдар мен түрлі жарлық

Курстық жұмысты көшіру үшін Сатып алу мәзірінен толығырақ мәліметті алыңыз

Курстық жұмыс бойынша қысқаша мәлімет

Пән: Информатика

Жұмыс түрі: Курстық жұмыс

Осы жұмыстың бағасы:  1150 теңге

Курстық жұмыстар, Дипломдық жұмыстар сайты – diplomnik.kz