Материалы

Ақпараттық коммуникациялық технологияларды қолданудың педагогикалық негізлдері диплом жұмысы

Мазмұны

Кіріспе

Зерттеудің өзектілігі: Қазіргі жаһандану дәуірінде қоғамның дамуы ақпараттану үрдісмен сипатталады. Ақпараттық қоғамның негізгі басымды бағыттарының бірі – білім беруді ақпараттандыру.

Білім беруді ақпараттандыру  – бұл техникалық және материалдық ресурстарды, идеяларды жүйелі пайдалану  және интеграциялау үрдісі, білім беру мен басқару тиімділігін арттыру үшін ғылыми – әдістемелік материалдарды пайдалану болып табылады.

Компьютерлік технологияны, ақпараттық технологияны пайдаланудың жаңа сапалық деңгейіне өту оқушылардың танымдық белсенділігінің, қызығушылығының тиімділігін арттырудың жаңа жолдары мен құралдарын іздеу - осы бағытта дәстүрлі білім беру құралдарымен, жолдарымен бірге ақпараттық-коммуникациялық технология құралдарын пайдалану басымды бағыт екенін көрсету. Әсіресе компьютерді кәсіптік білім беру үрдісінің оқу-тәрбие ісіне енгізу мәселесіне ерекше мән берілуі керек. Өйткені оқушының өз бетімен жұмыс істеуін ұйымдастырудың түрлі формалары пайда болуда. Адамның үнемі ізденіске, жаңалыққа ұмтылуы ол физиологиялық құбылыс, ал заманауи технологиялардың қоғамымыздың түрлі салаларында орын алып, дамуы бүгінгі күннің талабы. Мемлекетіміздің болашағы –жастар оларға талап қойып, олардың табиғи  қабілеттерін, нақты мүмкіндіктерін анықтап, соған негіздеп оқыту – біздің негізгі мәселеміз. Ақпараттық-коммуникациялық технологияларды адам іс-әрекетінің барлық саласына ендіру білім беруге қойылатын жаңаша талаптарды айқындай түсті.

Олай болса, біздің педагогикалық зерттеу жұмысымызда ақпараттық-коммуникациялық технологиялардың білім беру саласы мен білім алушылардың оқу-танымдық іс-әрекетіндегі, олардың кәсіби білім алуындағы замануи зерттеулерге талдаулар жасауды орынды көрдік.Білім беру жүйесін ақпараттандыру туралы мәселелерді зерттеуге арналған ғылыми зерттеулер И.Г.Захаровтың, А.А.Кузнецовтың, И.В.Роберттің, Т.О.Балықбаевтың, В.М.Монаховтың, С.Кариевтің, В.И.Пугачтің, Қ.С.Әбиевтің, Е.Ы.Бидайбековтің, К.М.Беркімбаевтің, Г.Т.Жангисинаның, С.А.Исаевтың, М.Мәлібекованың және т.б.  еңбектерінде субъектінің танымдық операцияларды басқару үдерісіне, кәсіби оқу орындары пәндерінің оқыту мазмұны, әдістері, құралдары, оқыту формалары, функциялары, ақпараттық-коммуникациялық құралдардың психологиялық - педагогикалық сипатының жаңа құрылымдарының пайда болуы терең қарастырылғаны анықталды.

         Информатиканы оқыту теориясы мен әдістемесін педагогикалық зерттеу отандық Е.Ы.Бидайбеков, Е.Ө.Медеуов, Т.О.Балықбаев, Ж.А.Қараев, С.Кариев, Қ.С.Әбиев, Б.Қ.Нақысбеков, Б.Бөрібаев, С.М.Кеңесбаев, М.А.Бектемесов, Ж.Нұрбекова, А.Е.Сағымбаева, К.З.Халықова, Н.А.Талпақов, Т.Хакімова, Ш.Т.Шекербекова және т.б. сынды ғалымдардың еңбектерінде кеңінен қарастырылғаны мәлім болды.

Білім беру жүйесінің қай саласы болмасын ақпараттық коммуникациялық технологияны кеңінен қолдануда көптеген сапалы нәтижелерге жетуде. Осы мақсатта еліміздің болашағы үшін осы мүмкіндікті қалай пайдалану, қоғамды ақпараттандыруды қолға алуда, информатиканы меңгеруде оқушыларға  ғылым мен техниканың қазіргі замандағы озық үлгілерін пайдаланып, әлемдік ақпараттық кеңістікте әр түрлі деңгейдегі ақпараттарды қажетіне жарата білулеріне, студенттердің бәсекеге қабілеттілігін психологиялық-педагогикалық тұрғыда қамтамасыз ету қажеттілігі мен олардың ақпараттық-коммуникациялық технологияларды пайдалану біліктілігінің деңгейін әлі де болса жетілдіру қажеттілігін анықтап негіздеуге «Ақпараттық-коммуникациялық технология құралының педагогикалық негіздері» деген тақырыпты таңдауыма негіз болды.

Зерттеудің мақсаты: ақпараттық-коммуникациялық технологияны кәсіптік білім берудің оқу үдерісінде білім алушыларды замануи құралдарға үйретудің педагогикалық және әдістемелік негізін айқындау мен оларды педагогикалық тәжірибеде қолдану.

Зерттеудің нысаны: Кәсіптік білім беруде ақпараттық-коммуникациялық курсының оқу үрдісі.

Зерттеудің пәні: Ақпараттық-коммуникациялық технология оқу пәні сабақтарының оқыту мазмұны.

Зерттеудің болжамы: колледж білім алушылардың ақпараттық-коммуникациялық технология курсы бойынша білімі мен білігі тиімді қалыптасады, егер:

-       кәсіптік білім беру колледждерінде арнайы ақпараттық-коммуникациялық оқу процесі мен білім алушылардың танымдық ерекшеліктері ескерілсе;

-       білім алушыларды ақпараттық-коммуникациялық технологиясына үйретудің замануи құрылғылары мен қолданбалы бағдарламалары үздіксіз жаңартылып  оқу үрдісіне  қолданудың әдістемелік тәсілдерімен қамсыздандырылса;

-       оқытудың жаңа ақпараттық технологияларын сабақта қолдануын оқытушы тұрақты тұрғызып, жүйелі жүзеге асыруды мақсат тұтса.

Педагогикалық зерттеудің мақсатын жүзеге асыру мен жұмысшы болжамын растауға мынандай міндеттер анықталды:

1. Ғылыми-педагогикалық, әдістемелік еңбектерден және тәжірибелерден оқытудың «Ақпараттық технологиялар» түсінігіне талдау жасай, мақсаты мен қызметіне сәйкес қолдану,  ақпараттық - коммуникациялық технологияның педагогикалық негіздерін анықтау.
2. Ақпараттық-коммуникациялық  технология оқу курсының білім беру мазмұнын білім алушыларға үйретудің әдістемелік тәсілдерін анықтау және оларды оқу пәнінің оқыту мазмұнына қолдану мүмкіндігін айқындау.
3. Білім алушылардың ақпараттық-коммуникациялық технология курсы бойынша үйренетін білімі мен біліктерінің тиімді қалыптасуын анықтауға  педагогикалық тәжірибе ұйымдастыру және нәтижесін талдау.

Зерттеудің негізгі әдістері: теориялық: талдау, жинақтау, салыстыру, тәжірибе, нақтылау, жүйелеу, жалпыламалау, қорытындылау, индукция мен дедукция және т.б. Эмпирикалық: эксперимент, сауалнама, пікір алысу, бақылау сұрақтары, тест, педагогикалық консилиум, оқу-әдістемелік және нормативтік құжаттарды талдау, саралау және т.б.

Зерттеудің теориялық мәні:  ақпараттық-коммуникациялық ұғымның анықтамасы, оның педагогикалық және әдістемелік негіздері болып табылады.

Зерттеудің практикалық мәні: ақпараттық-коммуникациялық технология курсы бойынша жасалған оқытудың мазмұны мен интерактивтік тақтаны пән сабақтарында қолдану әдістемесі.

Зерттеу жұмысының бaзaсы: Oқушылaрдың ақпараттық-коммуникациялық технолгия пәні бойынша теoриялық бiлiмi мен  біліктерін ұтымды қaлыптaстырудың oқыту әдiстемесін тәжiрибеде aнықтaуғa бaйлaнысты БҚО Орал қаласындағы Орал газ, мұнай және салалық технологиялар колледжінің  1304000 «Есептеу техникасы және бағдарламалық қамтамасыз ету  (түрлері бойынша)» мамандығының, «Техник-программист» біліктілігінде оқитын  бірінші курс оқушыларының «Информатика» пәнінің оқу процесі болып табылады. Бiрiншi тoптa, яғни, тәжiрибелi тoптa 14 oқушы құрaсa, екiншi тoп - бaқылaушы 14 oқушы бoлды.

Зерттеудің кезеңдері:

I кезеңде зерттеу жұмысы бойынша материалдар жиналды және жүйеге келтірілді, жұмыстың мақсаты, міндеттері, әдістері айқындалды; зерттеу мәселесі бойынша психологиялық-педагогикалық, әдістемелік әдебиеттерге талдау жасалып, ақпараттық-коммуникациялық технология ұғымы түсініктеріне талдаулар жасалып, оның педагогикалық және әдістемелік негіздеріне зерттеулер жүргізілді.

II кезеңде ақпараттық-коммуникациялық  технологиялар негізінде оқушылардың білімі мен біліктерін қалыптастыру жолдары айқындалды, оқушылардың ғылыми көзқарастырының, оқуға деген қызығушылығы мен жауапкершілігін арттыратын, сондай-ақ білім сапасы мен үлгерім дәрежесінің көтерілу жолдарын қарастыратын жұмыстар іске асырылды. Оқушылардың іс-тәжірибелері зерттелініп, арнайы жұмыстар жүргізілді.

III кезеңде педагогикалық тәжірибе ұйымдастырылып, нәтижелері қорытындыланып, талдау және оларды өңдеу, рәсімдеу жұмыстары жүргізілді.

Педагогикалық зерттеудің апробациясы мен енгізу. Дипломдық жұмыстың негізгі идеясы мен оның нәтижелері Орал газ, мұнай және салалық технологиялар қолледжінің оқу үдерісіндегі ақпараттық-коммуникациялық технологиялар оқу пәні бойынша әдістемелік бірлестігі мен Жәңгір хан атындағы Батыс Қазақстан аграрлық-техникалық университеті политехникалық факультеті кәсіптік және техникалық пәндер кафедрасының отырысында баяндалып талқыланды.

Арнайы пән сабақтарында оқушылардың жалпы теориялық білімі мен іскерлігін өзін-өзі бақылау және бағалауға арналған тапсырмаларды қолданудың әдістемелік тәжірибелері Орал газ, мұнай және салалық технологиялар колледжінің арнайы пән сабақтарында қолдану ұсынылды.

Зерттеудің құрылымы: кіріспеден, екі тараудан, қортындыдан, әдебиеттер  тізімінен және қосымшадан тұрады.

1. БІЛІМ АЛУШЫЛАРДЫҢ АҚПАРАТТЫҚ-КОММУНИКАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ ПЕДАГОГИКАЛЫҚ                НЕГІЗДЕРІ

1.1. Ақпараттық – коммуникациялық  технология – білім алушылардың оқу-танымдық іс-әрекеттерін дамытушы құрал

Ақпараттық-коммуникациялық технологиялар – ақпараттандыруды, олардың өңделуі мен ақпараттық алмасуларды (беру,тарату, ашу) қамтамасыз ететін технологиялар жиынтығы.

         Ақпараттық технология - ақпаратты қолдану үрдісіндегі қиындықтарды жеңілдетудегі техникалық бағдарламалар мен әдістердің жиынтығы.

Ақпараттық технологиялар – ақпараттарды жинау, сақтау және өңдеу үшін бір технологиялық тізбекте біріктірілген әдістер мен өндірістік жә

57 бет

Дипломдық жұмысты көшіру үшін Сатып алу мәзірінен толығырақ мәліметті алыңыз

Дипломдық жұмыс бойынша қысқаша мәлімет

Пән: педагогика

Жұмыс түрі: дипломдық жұмыс

Осы жұмыстың бағасы:  2250 теңге

курстық жұмыс, дипломдық жұмыс сайты – diplomnik.kz