Яндекс - іздеу

Кіру формасы

Материалы

Қазақстан республикасы орман шаруашылығының жағдайы және дамуы диплом жұмысы

Мазмұны

КІРІСПЕ

 

Жұмыстың өзектілігі: Қазір республикамыздың халық шаруашылығының барлық саласы күшті қарқынмен өркендеп келеді. Әсіресе алуан алып құрылыстар көлемінің ұлғаюы, ағаш материалдарының барған сайын мол тұтынылуы орман байлығын көбейткен үстіне көбейте түсуді талап етеді.

Қазақстан территориясының 4 пайызға жетер-жетпес қана бөлігін алып жатқан орман ресурстарын қорғап, сақтап қалу және оны жетілдіру, территориямыздың 69 %-ын шөл және шөлейтті аймақтар алып келе жатқан шақта бұл мәселенің өзектілігін одан сайын арттырады. Қазіргі кездегі байқалған орман ресурстарын пайдаланудағы ысырапсыздыққа жол бермеудің негізгі бағыттары осы ресурстарға алдымен мониторингтік тұрғыдан зерттеу жүргізіп, шаруашылықтағы маңызын дұрыс бағалап, нақты жүйені қалыптастыру. Мамандардың пікірінше, еліміз орман қорғау ісі бойынша әлемдік тәжірибеден көп артта қалып қойған. Осы кунге дейін ұлттық орман саясаты қалыптасқан жоқ. Соңғы кездері ағашты заңсыз кесу әрекеті белең алды. Әсіресе, еліміздің орман қорының 40 пайызын құрайтын сексеуілді отау күшейіп барады. Ал сексеуілдің онсыз да экологиясы нашар, ылғалы аз, топырағы құнарсыз, құмды аймақтарда өсетіні бәрімізге белгілі.

Ежелгі уақыттан орман қорлары алғашқы биологиялық өнімділігінің байлығымен ерекшеленеді. Орман қорлары халық шаруашылығының көптеген салаларына шикізат есебінде қолданылады.

Орман адамзатты өсімдік, қоректілік өнімдермен, техникалық және дәрілік шикізатпен, аң терілерімен, жөке және қайың нәрінен алынған сусындармен және т.б. қамтамасыз етеді.

Орманның сол сияқты емдеу – сауықтыру, эстетикалық және рекреациялық маңызы да зор. Сонымен бірге орман қайта қалпына келетін маңызды ресурс түрі болып та табылады.

Орманның қоршаған орта үшін де маңызы зор. Ол топырақтың физикалық және химиялық қасиеттерін де жақсартып, ауаның салыстырмалы ылғалдылғын арттырады. Бір гектар орман 2 т көмір қышқыл газын жұтып, ауаны 10 - 11 млрд.м3 оттегімен байытады. Бұл үшін ағаш өсірудің жаңа кешенді әдістерін, ұтымды жолдарын тауып, тиімді шаралар қолдану қажет.

Қазақстан Республикасының 2007-2024 жылға арналған орнықты дамытуға көшу тұжырымдамасына сәйкес елдің экономикалық дамуы бірнеше аспектілерге байланысты. Оның ішінде «Ресурстарды пайдалану тиімділігін арттыру» жер, су, орман минералдар және өзге де ресурстарды пайдаланудың экологиялық әдістерді қоса алғанда табиғатты пайдалануға деген осы заманғы ғылыми көзқарасты енгізу; табиғи ресурстарды заңсыз пайдаланудың қандай да түрін болдырмау және жолын кесу, қаскөйлікке және биологиялық ресурс объектілерімен өнімдердің заңсыз айналымына қарсы күрес; шаруашылықтың барлық салаларына ресурс үнемдейтін және қалдықсыз технологияларды енгізуді ынталандыру. Бұл мәселелер экологиялық орнықтылық шарттарының бір саласы. Қазақстан Республикасының табиғи жүйелерінің өздігінен реттелу қабілетін және антропогендік қызмет салдарынан орнын толтыруды қолдау үшін жергілікті ландшафттық биологиялық әр алуандықты сақтау қалпына келтіру жөніндегі негізгі ғылыми шаралар жүзеге асырылатын болды. Ол өз кезегінде тыңғылықты және алдын ала ғылыми зерттеулерді қажет етеді.

Осыған байланысты Қазақстан аймақтарының табиғи ресурстарын, оның ішінде Шығыс Қазақстанның орман ресурстарын зерттеулер өз өзектілігін жойған емес.

Шығыс Қазақстан – еліміздегі негізгі ағаш даярлау, ағаш өңдеу шаруашылығының орталығы.  Орман оның басты байлығының бірі болып табылады. Бірақ кейінгі жылдары осы байлықты ысыраппен пайдалану, ағашты бақылаусыз кесу және өрттің жиі болуы орман алқаптарын азайтып барады.

Шығыс Қазақстан ормандары Ертіс өзенінің оң жағалауы мен Қазақстан Алтайының тау алды мен орта биіктікті алқаптарында таралған. Аталған массивтердегі ағаштар біздің республикамыздың өндірістік және басқа да салаларының қажеттіліктеріне жаратылады.

Орман ресурстарының тікелей өнеркәсіптік маңызынан басқа, оның топырақтағы ылғалды сақтау, топырақты жел эрозиясынан қорғау, сауықтыру, эстетикалық сияқты қызметтер атқарады. Олар бағалы жануарлар мекені, азықтық және дәрі-дәрмектік өсімдіктердің өсу ортасы болып табылады. Аталған эстетикалық және сауықтыру сияқты атқаратын қызметтерінің үлкен әлеуметтік құндылығы бар.

Бұл тұрғыда орман ресурстарының қазіргі жағдайын зерттеп, даму болашағын болжауға арналған осы жұмысымыз саладағы жиналған мәселелерді шешуге тамшыдай болса да үлес қосады деген үміттеміз.

Дипломдық жұмысымның мақсаты: Орман ресурстары Шығыс Қазақстанның табиғи экожүйесінің құрамдас бөлігі мен негізгі ресурстардың бірі болып табылады және аймақ территориясының 25% жуығын алып жатыр. Сондықтан Шығыс Қазақстан аумағындағы орман ландшафттарының таралуын және осы саладағы мәселелерді жүйелеп, орман қорларының жағдайын сипаттау және бар проблемаларды талдау, орман қорларына антропогендік әсер және оларды қорғау мәселелері, шаруашылықта пайдаланудың маңызы осы жұмыстың мақсаты болып табылады.

Зерттеудің міндеттері:

  • Қазақстан Республикасының табиғат ресурстарын, оның ішінде орман ресурстарын анықтап, нақтылау;
  • Шығыс Қазақстан  аумағындағы ормандардың шаруашылықтағы маңызын айқындау;
  • Орман қорларын ұтымды пайдалануды қамтамасыз ету оларды сақтау және қорғау.
  •  Қазақстан Республикасындағы орман ресурстарының бүгінгі жағдайын талдау;

Зерттеу нысаны: Зерттеу нысаны ретінде Қазақстан Республикасындағы орман ресурстары Шығыс Қазақстан облысы мысалында алынған.

Зерттеу әдістері: жинақтау, талдау, салыстыру, бақылау         

Жұмыстың ғылыми және практикалық маңызы. Қазақстан жер ресурстарына бай болғанымен, орманға бай емес. Орман алқаптары Шығыс Қазақстан облысының негізгі табиғи байлықтарының бірі. Облысты Республикадағы басқа аймақтардан ерекшелендіретін жағдайлардың бірі де осы орман қорының табиғи апаттары (орман өрті, ағаштардың өздігінен құлауы, т.б.) бұл өлкедегі орман массивтерінің жыл сайын азаюына себебін тигізеді. Осы жұмыста аталған күрделі мәселелерді есепке ала отырып, жан – жақты талдау жасалынған. Аумақтағы табиғатты пайдалану мен қорғау, шаруашылықтағы маңызын танып-білу болашақ жастарға еліміздің бай табиғаты туралы мол мәлімет берері сөссіз.

Жұмыстың құрылымы мен көлемі. Дипломдық жұмыс – кіріспеден, 2 бөлімнен, қорытындыдан тұрады. Жұмыс соңында 30 қолданылған әдебиеттер тізімі берілді. Зерттеу жұмысының мазмұнын ашу үшін диплом 2 кестеден және 1 суреттен тұрады.. Жұмыстың көлемі  61 бет. 

              1       тарау. ҚАЗАҚСТАН РЕСПУБЛИКАСЫ ОРМАН ШАРУАШЫЛЫҒЫНЫҢ ЖАҒДАЙЫ ЖӘНЕ ДАМУЫ

 1.1 Орман ландшафттарының таралу ерекшеліктері 

Табиғи ландшафтқа көрік беріп, жердің сәулесін келтіретін, оны эрозиядан қорғайтын, топырақтың құрылымын жақсартатын, жан– жануардың тіршілігіне өте қолайлы орта – орман. «Жасыл желек – жан саясы» демекші, жел өтінде тербеліп, жайқала өскен орман – тоғай, шипалы жеміс бағы – барлық тіршілік атауының құтты қонысы. Әуел бастан – ақ адам баласы орман арасынан пана тауып, бар игіліктерді оның аясынан ала білген.  Яғни табиғат атауымен

61 бет

Дипломдық жұмысты көшіру үшін Сатып алу мәзірінен толығырақ мәліметті алыңыз

Дипломдық жұмыс бойынша қысқаша мәлімет

Пән: география

Жұмыс түрі: дипломдық жұмыс

Осы жұмыстың бағасы:  2350 теңге

курстық жұмыс, дипломдық жұмыс сайтыdiplomnik.kz

 

Яндекс.Метрика