Материалы

Халық Банк акционерлік қоғамы диплом жұмысы

МАЗМҰНЫ

Зерттелетін объектінің өзектілігі: Аймақтық банктердің қызметі,оның ішінде «Халық Банк» акционерлік қоғамының қызметі мен құрылымы,банк операцияларымен танысу депозиттік операциялардың маңыздылығын зерттеу және талдау болып табылады.

       Депозиттік операциялар – бұл заңды және жеке тұлғалардың тартылған қаржылары бойынша белгілі бір мерзімге немесе талап ету салымы бойынша банктердің  операциялары.

          Зерттеу объктісі: «Халық Банк» акционерлік қоғамы.

   Банктің мәнін ашпас бұрын, алдымен оның осы замаңғы ұғымын қарастырып  көрелік. Банк істерінен хабары жоқ адам оны тек ақшаны сақтаудың орны деп жаңсақ  әрі үстір ойлап қалуы мүмкін. Банк қызметтері әр түрлі. Сондықтан да адамдардың банк туралы түсініктері де әр қилы. Кейбіреулер оны мекеме, енді біреулері оны ұйым, үшінші біреулер оны экономикалық басқарудың органы деп санаса, ал тағы біреулері оған делдалдық ұйым ретінде қарайды. Банктің мұндай анықтамаларын оқулықтар мен ғылыми әдебиететтерден, кезендік баспасөзден, тіпті заң, ереже, нұсқау секілді ресми құжаттардан да кездестіруге болады.

        Әрине, банктің мәнін оның қандай да бір клиентке қатынасы бойынша қызметін қарастыру арқылы түсінуге болады. Банк нақты клиентке қатынасы бойынша бірқатар өз қызметін орындауы мүмкін, бірақ бұған қарап оны банк деп ұғуға болмайды. Нақты клиентке банк көрсететін 100-120 қызмет түрлерінің бәрі бірдей қажет бола бермейді. Сол себепті де банктің мәнін талдағанда жеке бір банктің операцияларымен шектеліп қалмау керек.

Дипломдық жұмыстың мақсаты: «Халық Банк» акционерлік қоғамының

құрылымы мен қызметін бағалау, банктің түрлі операцияларын танып-білу,сонымен қатар депозиттік операциялардың мәнін пайдасын зерттеу.          Банктің мәні банктердің тұрпаттары мен түрлеріне қарамастан бірыңғай болады әрі оның мәні екінші деңгейдегі банкке де, инвестициялық банкке де, эмиссиялық банкке де бірдей тән болып келеді. Бұл аталған банктердегі операциялар да, қызмет ету аясы да бір-бірінен өзгеше болады, бірақ бұл арадағы банктің мәні өзгеріссіз қалады және олардың барлығына бірдей тән.

           «Қазақстан Халық Банкі» АҚ-өз клиенттерінің иглігі үшін 85 жылдан астам уақыт табысты қызмет етіп келе жатқан Қазақстан Республикасындағы аса ірі әмбебап коммерциялық банк, еліміздегі ең  сенімді әрі қызметі барынша сараланған қаржылық құрылымдарының бірі. «Қазақстан Халық Банкі» АҚ- бұрыңғы Қазақстан Республикасы Жинақ банкінің негізінде қайта құрылды және біраз жылдар бойы ҚР Үкіметінің зейнетақа мен жәрдемақы төлеу жөніндегі агенті болып келді. 2001 жылы жүргізілген Халық банкіні жекешелендіру рәсімі нәтижесінде Банк өз клиенттеріне кең ауқымды және барынша сапалы қызметтер спектрін ұсыну мүмкіндігін беретін бизнес құрылымын жасауға қол жеткізді. Банк VISA Internationai  және Master Card Internationai   төлем жүйесінің краточкаларын шығарады және Қазақстандық пластикалық карточкалар рыногының тұрақты көсбасшысы болып келеді. Банктің айналымдағы карточкаларының жалпы саны 2,1 млн бірлектен асып түсті, ал екінші деңгейдегі банктер арасындағы Банктің бұл көрсеткіші бойынша 50 пайыздан асады.

            «Халық Банкі» тобы мынадай құндылықтарды басты назарға алады:

- клиенттерге мән беру

- клиенттердің қол жеткізу табысы- бұл банкінің де жетістігі

 - клиенттеріміздің нақты мұқтаждығын барынша ұғынуға тырысады және олардың алдына қойған мақсатына қол жеткізу, кейді тіпті одан да биік асуларға жету үшін ең тиімді деген ұсыныс жасау бағытына күш салады.

                 Сенімділік:

 Банк халықаралық құқық нормалары мен жалпылама мойындалған қағидаларды, Қазақстан Республикасының заңнамасын, «Халық» тобы өз бизнесін жүргізетін басқа елдердің заңнамасын, сондай-ақ «Халық» тобының ішкі қағидалары мен ережелерін де бұлжытпай орындайды. Қашан да болсын, қай жерде болсын, қызметінің барлық саласында мүлтіксіз адал бизнес жүргізуге ұмтылады. Біз корпоративтік басқарудың еуропалық стандарттарына сүйенуге талпынып, акционерлік үшін де, клиенттермен іскерлік серіктестіктер, мемлекеттік билік органдары және қызметкерлер үшін де «Халық» тобының қызметін барынша ашық әрі бүркемесіз жүргізу саясатын ұстанады. Сенімділік – «Халық » тобының іскерлік беделін сақтаудың басты кілті.

Жетекшілік:

          Банк өзі қатысатын рынок сегменттерінің барлығында да клиенттерге қызмет көрсетуде жетекші орыннан көрінуге ұмтылады. Ұйымдық деңгейдегі барлық басшылар өз ісіне шынайы берілген, қажырлы да табанды энтузиазм үлгісін көрсетуде. Олар өздері басқаратын ұйымды «Халық» тобының миссиясын орындауға бағыттайды, рухтандырады, инновацияларға құптарлықпен қарайды.

Әлеуметтік жауапкершілік:

        «Халық» тобы қызметінің негізгі қағидаларының бірі- халықтың барлық тобының қажеттілігі мен мүддесін қамтамасыз етуді бағдарлау. Банк қоғамды одан әрі дамыту үшін ат салысуға және әлеуметтік мәселелерді шешуге белсенді үлес қосуға әрі жауапкершілік сезімді жоғары корпоративтік азамат тұрғысынан көрінуге ұмтылады.

Әділеттік:

        «Әріптестерімізбен ара қатынасымызды біз өзара көмек, құрмет, ынтымақтастық, сенім және корпоративтік бірлік қағидаттарына сүйене отырып құрамыз. Біз «Халық» тобының барлық құрылымдары арасында еркін пікір алмасуды ғана емес, білім мен тәжірибеде алмасуды да құптаймыз және командалық жұмысқа негізделген тиімді қызметті қолдаймыз. Біз өз қызметкерлеріміздің кәсіби деңгейін  арттыруға, олардың әлеуметтік тұрғыдан нақты қорғалуына барынша көңіл бөлеміз»,- дейді банк қызметкерлері. Қызметкерлерге көтерме сыйақы төлеу, олардың еңбегінін мойындау әрі лауазымдық жағынан өсіру бізде әділеттік қағидатына негізделген және әр қызметкерлердің «Халық» тобы жетістіктеріне қосқан жеке үлесінің нәтижесімен тікелей байланысты.

                Кәсібилік:

   Банк кәсіби қызметтің неғұрлым жоғары стандарттарына қол жеткізуге ұмтылады, қашан да инновациялар мен жаңа ой- пікірлер үшін ашық, батыл әрі дәйекті түрде әрекет етуге әзір. Клиенттерге қызмет көрссту операцияларын адал ниетпен, уақытылы әрі сапалы түрде іске асырады, ал бұл өз кезегінде біздің клиенттермен ара-қатынасымыздың берік әрі ұзақ мерзімді болуын қамтамасыз етеді.

  Міне, осы құндылықтарға терең мән бере отырып «Халық Банкі» ұжымы осы уақытқа осы уақытқа дейін үлкен табыстарға қол жеткізіп отыр.

Дипломдық жұмыстың құрылымы: дипломдық жұмыс 3 тараудан, 5 кестеден,қорытынды бөлімнен,пайдаланған әдебиеттер тізімінен,қосымша материаллдардан тұрады.

Дипломдық жұмысты көшіру үшін Сатып алу мәзірінен толығырақ мәліметті алыңыз

Дипломдық жұмыс бойынша қысқаша мәлімет

Пән: Экономика

Жұмыс түрі: Дипломдық жұмыс

Осы жұмыстың бағасы: 2250 теңге

Дипломдық жұмыстар, Курстық жұмыстар сайты – diplomnik.kz