ХХ ғасыр басындағы балалар әдебиетінің  көрнекті өкілі – Ахмет Байтұрсынов

Қазақ халқының ұлы перзенті Ахмет Байтұрсынов – ХХ ғасырдың бірінші жартысындағы аса көрнекті педагог, дарынды ақын, аудармашы, қоғам қайраткері. Қазақ халқының қоғамдық-саяси, мәдени, әдеби өміріне белсене араласқан, халық игілігі үшін жан аямай еңбек еткен Ахмет Байтұрсынов Қазақстандағы ой-пікірдің өркендеу тарихында үлкен орын алады.

ХХ ғасырдың басындағы жалпы түріктік азаттық идеясының күш алуына татар, башқұрт халықтарының зиялыларымен бірге қазақтың оқыған азаматтары да біраз еңбек етті. Қазақ зиялылары өздерінің шығармашылық еңбектері арқылы халықты білім алуға насихаттауды, оқу арқылы сана-сезімін оятуды, сондай-ақ қазақ жеріндегі әлеуметтік-экономикалық, қоғамдық-саяси және рухани-діни мәселелерді реформалау қажеттігін күн тәртібіне қойды. Бұл мәселені жүзеге асырудың ең бірінші жолы халық арасындағы оқу-ағарту жұмыстарын өмір талабына сай құру мен оның жүзеге асырылуын ұйымдастыру еді. Міне, осы бағыттағы атқарылған жұмыстардың басында Ахмет Байтұрсынов та жүрген болатын.

Қазақ балаларының ана тілінде сауат ашуына арналған алғашқы әліппенің, қазақ тілі грамматикасын таныстыратын оқулықтардың, қазақ тілін пән ретінде оқыту әдістерін баяндайтын құралдардың авторы ретіндегі ғалым-ағартушының тазақ тіл білімі саласындағы ерен еңбегі өз алдына бөлек әңгіме.

А.Байтұрсыновтың ағартушылыққа байланысты білдірген ойлары тек оқуға шақырумен тынбайды, ол сонымен қатар қазақ даласындағы жай-күйді ескере отырып, бала оқытудың амал-жолдарын газет-журнал беттерінде нақтылы сөз етеді. «Қазақ» газетінегі «Оқу жайы» деген мақаласында оқу-білімнің қажеттігін халықтың экономикалық тұрмыс жағдайымен байланыстырады: «Қазақ жерінде өндіріс жоқ, шикізатын сатады, ал сол шикізаттан жасалған өнңмдң екі-үш есе қымбат түрде сатып алады. Бұл – надандықтан келген кемшілік»,- дейді (9).

Курстық жұмыстарға және дипломдық жұмыстарға, диссертацияларға арналған керекті материалды көшіру үшін Сатып алу мәзірінен толығырақ мәліметті алыңыз

Жұмыс түрі: материал (30 - бет)

курстық жұмыстар, дипломдық жұмыстар сайты – diplomnik.kz