Материалы

Ахмет Байтұрсынов – педагог, ағартушы

Ағартушы-педагог А.Байтұрсынов балаларға білім берудің бірінші басқышы бастауыш мектеп екендігіне баса назар аударды. Оның осы тақырыптағы маңызды тұжырымдары «Бастауыш мектеп», «Мектеп керектері» (22) мақалаларында ашып айтылады. Бұл мақалалардағы көтерілген мәселелер – оқуға керек құралды, тәртіпті, мөлшерлі оқу мен жоспарлы оқуды анықтау және оқудың ана тілінде болуының қажеттілігі. Сонымен бірге бастауыш мектепте жүелік білім мен тәрбие беру арқылы оқушыларды жалпы білім берудің келесі сатысына дайындау мақсатын көздейді.

А.Байтұрсыновтың бұл еңбектері қазақ халқы мен қазақ мұғалімдеріне өзіндік жаңашыл, ұлттық бағыттағы оқу-тәрбие жүйесін құруға мүмкіндік туғызды, ондағы оқу жұмысын ұйымдастырудың өзіндік ерекшеліктері мен әдіс-тәсілдерінің орын алуына зор ықпал етті. Бұл қазақ мектептерінің мұғалімдері үшін үлкен жаңа бастаманың өзегі болды.

Ахмет мектепте берілетін білім көлемін, жас өспірімдер тәрбиесін мәселе етіп көтерді. Мектептегі оқытуды ұйымдастыру, оқытудың әдіс-тәсілдері мен түрлері оқушылардың сан білімді игеруіне, олардың рухани күші мен қабілеттерінің жетік дамуына, саналы ой-пікірлерінің қалыптасуына зор әсер етуге тиіс деп есептеді.Берілген материалдың көлемін және әдістерін анықтауда оқушылардың жас ерекшеліктерін, олардың ой-өрісі мен қабілеттерін қатаң еске алуды, материалдың біртіндеп және тізбектеліп берілуін, қорытындылар мен тұжырымдардың анық, дәл айтылуын талап етті.

Сонымен, ХХ ғасырдың бас кезіндегі көрнекті педагогтардың оқу жұмысын неғұрлым тиімді жолға қою, сабақты дұрыс ұйымдастыру, балаларға деген сүйіспеншілік жөніндегі педагогикалық ой-пікірлерін білу және оларды сын көзбен қарап пайдалану қазақ мұғалімдерінің осы саладағы ой-өрісін кеңейтеді, қазақ жастарын тәрбиелеуде дүниетаным мен ұлтжандылыққа тәрбиелеудің артықшылығын және оның зор күшін көрсетеді.

А.Байтұрсынов қазақ халқын өнер-білімге үндеп үгіт жасады. Сол мақсатқа жетудің жолдарын айқындап, ол үшін не керек екенін, не істеу және қалай істеу керек екенін жақсы білді. Сол білгенін іс жүзіне асыруды өз ғұмырының мәні, мұраты деп түсінді.

Курстық жұмыс және дипломдық жұмыстарға, диссертацияларға арналған керекті материалды көшіру үшін Сатып алу мәзірінен толығырақ мәліметті алыңыз

Жұмыс түрі: материал (30 - бет)

курстық жұмыс, дипломдық жұмыс сайты – diplomnik.kz