Өндірісте материалдарды тиімді пайдалануды талдау мен бухгалтерлік есебі "Казнефтегаз консалтинг" ЖШС диплом жұмысы

Кіріспе

    Қазіргі экономикалық жағдайда әрбір ұйымның қызмет ету процесіне нарықтық қатынастарға қатысушы мүдделі тұлғалар үлкен көңіл аударатыны белгілі. Сол себепті олар есеп мәліметтеріне сүйене отырып, ұйымның қаржылық жағдайын бағалауға ұмтылады.

Бухгалтерлік есеп нарықтық экономика жағдайында ұйым жөнінде жан – жақты қамтылған ақпарат алудың бірден – бір көзі болып табылады. Оның көмегімен ұйымның төлем қабілеттілігн, өндірістік қызметінің тиімділігі мен табыстылығын, даму перспективаларын сипаттауға мүмкіндік мол.

Нарықтық қатынастардың дамуымен бірге әртүрлі меншік нысанындағы еңбекке ақы төлеу мәселесі де басты орынға шықты.

Еңбек ақы – жұмысшының өз еңбегінің нәтижелі болуына, құрылыс – монтаж жұмысының  көлемі мен сапасын  көтеруге мүдделілігін арттырудағы ең басты құрал. Ол күрделі экономикалық қарым - қатынастардың жиынтығын сипаттайды. Айталық, біріншіден, бұл - жұмысшы мен жалпы қоғам арасындағы қарым - қатынас. Еңбек ақы төңірегіндегі, ең төменгі жалақы мөлшерін белгілеу, ұжымдық келісім – шартты бекіту секілді мемлекеттік саясаттың қажеттілігі, яғни мемлекеттік реттеу қызметі. Екіншіден, еңбек ұжымы мен құрылыс ұйымы арасындағы қарым – қатынас, басқаша айтқанда, еңбек ақы мөлшерінің құрылыс ұйымының  қаржы - шаруашылық есебімен тығыз байланыстылығы.

Еңбек ақының мәні, оның қызметімен анықталады, ол жұмысшының  материалдық және мәдени қажеттілігін қанағаттандыру үшін жеткілікті болуы тиіс.

Бұрынғы Кеңес тұсындағы жоспарлы – бөлу жүйесі, тарифтік ставкаларды бекітудің директивті тәсілі нарықтық экономика жағдайында еңбек ақының  арақатынасын реттеуге қабілетсіздігін байқатты.

Экономикасы дамыған елдердің тәжірибесін зерттеу, еңбек ақыны нарықтық реттеудің механизмі өзіне келесілерді қамтитынын көрсетті:                                                                                                                                                  

-                       еңбек келісім шартын бекіту кезінде барлық мүдделі тараптардың мүддесін толық көрсетуге мүмкіндік беретін көп деңгейлі ұжымдық – келісім шарттық жүйені; 

-                       жеке табыс салығын реттеудің салықтық жүйесін, сондай - ақ  жұмыс берушінің жұмыс күшіне жұмсайтын шығындарын;

-                       еңбекке ақы төлеудің жекелеген шарттарын ең төменгі кепілдік жалақы түрінде мемлекеттік реттеу.

Қазіргі жағдайда жұмысшыларға еңбек ақы төлеу нысаны, жүйесі мен мөлшері, сонымен қатар басқа да табыс түрлері құрылыс ұйымының шешімімен белгіленеді. Бірақ, кәсіпорындар, меншік түрі мен ұйымдық – құқықтық нысанына  қарамастан, міндетті түрде, еңбекке ақы төлеудің ең төменгі мөлшерін және жұмысшыларды әлеуметтік қорғаудың заңмен бекітілген шарттарын қамтамасыз етуі тиіс.

      Дипломдық жұмыстың зерттеу объектісі «Казнефтегазконсалтинг»   болып табылады.  «Казнефтегазконсалтинг» ЖШС-тің 2004-2006 жылдар аралығындағы өндірілген өнім көлемі мен қаржылық жағдайын зерттеп, келешекте негізгі қызмет көлемін ұлғайту мен стратегиялық бағытын айқындай отырып, табыс көзін молайту жолдарын қарастырамыз.

          «Казнефтегазконсалтинг» ЖШС-тің экономикалық жағдайын зерттеу барысында үш жылда 2004 жыл, 2005 жыл, 2006 жылдары өнімнің өзіндік құны, өнімді өткізуден түскен табыс көлемі, жалпы табыс және таза табыс көрсеткіштерінде біршама өзгерістер бар екенін көрсетіп отыр (1-қосымша).

             Есепті жылды 2005 жылмен салыстырғанда өнімді өткізуден түскен табыс көлемі 86,6 пайызға төмендеумен қатар, өнімнің өзіндік құны да 47636 мың теңгеге азайған, азаю қарқыны 76,4 пайыз.

             Кәсіпорынның рыноктык экономика жағдайында қызмет етуінің экономикалық пайдалылығы табыс табумен анықталады. Табыс құрылымында ең үлкен үлес салмақты өнімдер мен тауарларды өткізуден түсетін табыс алады.

               Есепті жылды 2005 жылмен салыстырғанда жалпы табыс көлемі 14490 мың теңгеден 7056 мың тенгеге азайған, азаю қарқыны 203,5 пайызды құрады. Ал таза табыс көлемі 22,5 пайызға төмендеген.

             «Казнефтегазконсалтинг» мекемесінде еңбекақы қорында да, жұмысшылар санында да өзгерістер болды. Есепті жылды 2005 жылмен салыстырғанда  еңбек ақы қоры 2413 мың теңгеге көбейген, яғни 103,8 пайызға өсумен қатар, жұмысшылардың саны 190 адамнан 181 адамға дейін азайған (9 адам), азаю қарқыны 95,2 пайызды құрады.

               Есепті жылы мекемеде негізінен мынадай өзгерістер болды: өнімді өткізуден түскен табыс көлемі азайды соған сәйкес өнімнің өзіндік құны да төмендеп, жалпы табыс пен таза табыс көлемі жоғарылап, жұмысшы саны азайып, еңбекақы қоры көбейді.  

Диплом жұмысының мақсаты ұйымдағы еңбекке ақы төлеу бойынша есеп айырысудың ұйымдастырылуын зерттеу, қолданыстағы еңбек ақы нысаны мен жүйелерінің артықшылықтары мен кемшіліктерін талдау болып табылады. Жоғарыда аталған мәселелер диплом жұмысының тақырыбының өзектілігін анықтайды.

Осы мақсатқа қол жеткізу үшін келесі міндеттер өз шешімін табуы керек:

-         Еңбек ақы ұғымының мәнін зерттеу және ашу;

-         Іс жүзіндегі еңбек ақы нысандары мен жүйелерін қарастыру, еңбек ақыны есептеу, сый ақыны беру тәртібін зерттеу;

-         Еңбек ақыдан және басқадай төлемдерден ұсталынатын ұсталымдар есебін, олардың есеп шоттарда көрсетілуін қарастыру;

-         Еңбек өнімділігі мен еңбек ақы қорын талдау.

Алға қойылған міндеттерді шешу үшін «Казнефтегазконсалтинг» ЖШС-нің 2004-2006 жылдардағы есеп мәліметтері, сондай – ақ Қазақстан Республикасының бухгалтерлік есеп саласындағы нормативтік – құқықтық ақпараттары, арнайы әдебиеттер пайдаланылды.

Бағасы: 2250 тг

Жұмысты көшіру үшін Сатып алу мәзірінен толығырақ мәліметті алыңыз