Жергілікті мемлекеттік басқару жүйесін жетілдіру өзектілігі диплом жұмысы

КІРІСПЕ

Зерттеудің өзектілігі. Ел Президенті Қазақстанның әлемдегі бәсекеге барынша қабілетті 50 елдің қатарына кіру стратегиясында азаматтық қоғамды одан әрі демократияландырудың қажеттігін атап көрсеткен болатын.

Бүгінде Қазақстан саяси демократияландырудың жаңа кезеңіне қадам басты. Ел Президентінің төрағалығымен саяси реформаларды әзірлеу мен нақтылау бойынша Мемлекеттік комиссия жұмыс атқаруда. Жалпыұлттық саяси реформалар бағдарламасы іс жүзінде жүзеге асырылуда. Жүргізіліп жатқан реформалардың нәтижесінде осы заманғы және бәсекеге қабілетті саяси жүйе қалыптасатыны белгілі.

Сонымен бірге, демократиялық реформалардың құрамдас бөлігі ретінде жергілікті өзін-өзі басқару жүйесін жасаудың жолдары қарастырылуда. «Жергілікті өзін-өзі басқару туралы» заң жобасы Мемлекеттік комиссияның үшінші отырысында мақұлданып, Парламент мәжілісіне жолданды. Осының нәтижесінде, алдағы жылдары ауылдық жерлерде жергілікті өзін-өзі басқару жүйесін енгізу көзделуде. Бұл мәселе шешімін тапқан жағдайда тұрғындардың билікке және басқаларға қол жаймай, жергілікті маңызды проблемаларды өздерінің шешуіне мүмкіндігі туады.

Осы орайда, жергілікті деңгейдегі мәселелерді шешуге тұрғындарды белсенді түрде тарту арқылы жергілікті өзін-өзі басқару реформаларын кезең-кезеңмен жүзеге асыруға болады.

Айта кету керек, қазіргі таңда жергілікті өзін-өзі басқарудың ортақ моделі қалыптаспаған. Әр аймақ өзінің экономикалық, саяси жағдайы мен тұрмыстық-шаруашылық мәдениетінің деңгейіне қарай өзіндік жергілікті басқару жүйесінің элементтерін енгізуде.

Мемлекеттің басқару жүйесінде жергілікті жерлердің басқару жүйесінің маңыздылығы өте зор.Өйткені мемлекеттік билікті жүргізу негізі нарықтық экономика жағдайына бағытталған. Ал нарық коньюнктурасы тек белгілі жерді ғана емес   мемлекеттің тұтастығын қамтиды. Жергілікті жерлердегі тұрғындардың әлеуметтік-экономикалық жағдайының жақсаруы, шағын кәсіпкерлікті дамыту, жұмыспен қамту, білім, денсаулық, қоршаған ортаны қорғау, ресурстарды тиімді пайдалану сияқты маңызды мәселелер кезек күттірмейтін жағдай .Бұл мәселелердің оңтайлы шешілуі мемлекеттік және жергілікті жерлердегі атқарушы және өкілетті органдардың кызметтеріне тікелей тәуелді болып келеді. Әлемдік тәжірбие бізге жергілікті және өзін-өзі басқару жүйесінің экономикалық тиімділіктерін дәлелдеп, әлеуметтік-экономикалық жағдайдың жақсаратындығын көрсетіп отыр.

Мемлекеттік билігі таратылатын барлық жер сол мемлекеттің территориясы болып табылады. Ал мемлекеттің территориялық құрылымы мемлекетпен оның  территориясын құрайтын аймақтардың арасындағы қарым-қатынасқа негізделген.Бұл жерде мемлекеттің рөлін үкімет атқарса, территория құрайтын жеке бөліктердің қызметін облыс,аудан,аймақ,ауыл құрайды.Қазіргі таңда жергілікті өзін-өзі басқару жүйесі мемлекетімізде өзінің негізін таба алмай отыр. Мемлекеттің міндеті жергілікті өзін-өзі басқарудың құқықтық және ұйымдық формасын қалыптастыру.

  Қазіргі таңда еліміздің мемлекеттік құрылысын жетілдіру, оның ішінде билік құзырларының әр деңгейі арасында нақты бөлінуі мен халық билігінің маңызды әлементі болып табылатын жергілікті өзін-өзі басқару жүйесін ендіру өте өзекті мәселелердің бірі. Бұл биліктің бөлінуі шеңберінде қарастырылатын мәселе отандық басқару жүйесін анықтайтын демократиялық нышандардың бірден-бірі.

Қазақстанның қазіргі сатыдағы дамуы реформа үрдістерінің арасалмағын орталықтан жергілікті деңгейлерге түсіруді қажет етеді.

Осы айтылғандардың барлығы біздің зерттеу жұмысымыздың көкейкестілігін анықтап, зерттеу тақырыбын «Жергілікті мемлекеттік басқару жүйесін жетілдіру өзектілігі» деп тұжырымдауға негіз болды.

Зерттеудің мақсаты: Басқару жүйесінде жергілікті өзін-өзі басқарудың орнын және құрылуы тиісті деңгейді айқындап алу.

Алға қойылған мақсатқа және тұжырымдалған болжамға сәйкес зерттеу жұмысының мынадай міндеттері анықталады:

• Жергілікті  мемлекеттік басқарудың негізгі міндеті тек өзін-өзі басқару ғана емес, сонымен қатар барлық деңгейде мемлекеттік биліктің тұтастығын сақтау;
• Жергілікті өзін-өзі басқарудың құқықтық және ұйымдық формасын қалыптастыру;
• Жергілікті өзін-өзі басқаруда шетелдік тәжірибені талдау мен оны жинақтауды арттыра түсу;
• Өкілеттіктердің, коммуналдық меншік пен қаражаттың нақтылы пакетін ұсыну және салаларды реттеу ісін дәл анықтау;
• Жергілікті өзін-өзі басқару органдарының өзара тиімді іс-қимылының  тетіктерін жасақтау;
• Жергілікті өзін-өзі басқарудың аумақтық және ұйымдық негіздерін қалыптастыру;  

Зерттеудің деректі көздері:  экономистердің, экономика ғалымдарының мемлекеттік басқару және жергілікті өзін-өзі басқаруды дамыту, оны қоғамға енгізуі туралы ғылыми зерттеу еңбектері, Қазақстан Республикасының «Қазақстан Республикасындағы жергілікті өзін-өзі басқару  туралы» Заңы, және т.б. заңдар, оқу бағдарламалары, оқулықтар мен әдебиеттер, статистикалық деректер.

Диплом жұмысының құрылымы: Диплом жұмысы кіріспеден, үш тараудан, қорытындыдан, пайдаланылған әдебиеттер тізімінен және қосымшадан тұрады.

Бірінші тарауда, мемлекеттік басқару мен жергілікті өзін-өзі басқарудың теориялық негіздері, басқарудың әдістері, жергілікті өзін-өзі басқарудың түрлері қаралады.

Екінші тарауда, жергілікті өзін-өзі басқаруды енгізудің қажеттілігі, оның маңыздылығы мен өкілеттіктері, билік органдарының құрылымы, жергілікті маслихаттар, әкімиаттар құзырына кіретін қызметтер, олардың жүзеге асырылу құқықтары мен міндеттері айтылады.

Үшінші тарауда, мемлекеттік басқару мен жергілікті өзін-өзі басқарудың өңірлік механизмдері, селолық тұтыну коперативтері, олардың өңір үшін қажеттілігі, жергілікті өзін-өзі басқаруды жетілдіру жолдары, бағыттары қарастырылады.

Бағасы: 2250 тг

Жұмысты көшіру үшін Сатып алу мәзірінен толығырақ мәліметті алыңыз