Біз вконтактедеміз

Яндекс - іздеу

Кіру формасы

Тәуелсіздік жылдарындағы Қызылорда қааласындағы мәдени мекемелердің даму тарихы диплом жұмысы

МАЗМҰНЫ

І тарау. Тәуелсіздік жылдарындағы Қызылорда қаласындағы мәдени мекемелердің ахуалы.

1.1.  Қызылорда облыстық Н.Бекежанов атындағы қазақ музыкалық драма театры.

 

           Қазақстан Жастар одағы сыйлығының лауреаты Н.Бекежанов атындағы Қызылорда облыстық драма театры 1955 жылы Қаратал, Еңбекшіқазақ және Ақсу аудандарындағы колхоз-совхоз театрларының негізінде Талдықорған қаласында құрылды. 1960 жылы Қызылорда облыстық қазақ драма театры болып жаңа мекенге ауысты [14].

         Сонан бері ширек ғасыр өтіпті. Былай қарағанда, 48 жыл өнер тарихында онша көп емес. Дегенмен, осы кезеңнің ішінде театр творчестволық даму мен қалыптасудың әр түрлі белестерінен өтіп, бүгінгі өскелең ұлттық сахна өнерінің шежіресінде өзідік орнын белгіледі. Бүгінде қалың көрермен қауым алдында театрдың көркемдік қызметі, творчестволық жолы айқындалған.

         Театр сонау балаң шағында 1968 жылы Алматыға келіп, жас өнерін сарапқа салған болатын. Ол жолғы сапарында Вс.Вишневскийдің «Оптимистік трагедия», К.Гальдонидің «Қонақ үйдің қожасы», М.Әуезовтың «Қаракөз», Ш.Айтматов повесінің негізінде «Ана-Жер ана»,А.Тоқмағанбетов пен О.Бодықовтың «Арман азабы» спектакльдерін көрсетіп, творчестволық еңбегінің нәтижесіне қуанып қайтқан-ды. Бір жылдан кейін «Оптимистік трагедия» спектаклі үшін театр республикада тұңғыш рет «Қазақстан Ленин комсомолы сыйлығының лауреаты» деген құрметті атаққа ие болды.

         Театр өзінің тұңғыш шымылдығын Талдықорған қаласында көрнекті жазушымыз  Ғабит Мүсіреповтың «Ақан сері-Ақтоқты» трагедиясымен ашты. Алғашқы спектакльді сахнаға шығарып, жас коллективтің буыны бекіп, бұғанасы қатуына мол еңбек сіңірген кісі- Қазақ ССР-нің еңбек сіңірген артисі Жақып Әбілтаев. Ол театрдың алғашқы бас режиссері [15].

         Сонымен бірге театрдың алғашқы актерлік құрамында: Баймолда Баймаханов, Кәден Балғынбаев, Шәріп Мәрденов, Халық Саурықов, Шолпан Бәкірова, Қыдырма Көпбаева, Кашифа Көпбаева, Айнатай Манасбаев, Жібек Бағысова сияқты актерлер болып, жас коллективтің шаңырағын көтерісіп, уығын шаншысты.

         Труппа негізінен бұрын сахнаға шығып, актерлік өнері қалыптасып, азды-көпті тәжірибе көргендер болғандықтан, театр өзінің творчестволық жолын бірден ұлттық драматургияның озық үлгілерін меңгеруден бастады. Сол алғашқы кезеңнің өзінде Мұхтар Әуезовтың «Еңілік-Кебек», «Айман-Шолпан», Ғабит Мүсіреповтың «Қозы Көрпеш-Баян сұлу», «Ақан сері-Ақтоқты», «Қыз Жібек» спектакльдерін қойып, көрермен қауымның ілтипатына бөленеді [16].

         Өмірге жаңа келген жас театр күнделікті творчество мен тірлік барысында кездесе беретін талай қиындықтарды жеңіп, спектакльдерін облыстың алыс аудандарындағы ауылдық жерлердеге көрермендерге де талай ұсынған.

         Сол сияқты жазғы гастроль сапарында театр коллективі Жетісудан бастап Қызылорда, Орал, Жамбыл, Шымкент, Гурьев, Ақтөбе облыстарын, Қарақалпақ, Қырғыз республикаларында өнер көрсетіп, көпшіліктің эстетикалық талғамын өтеді.

         1960 жылы жаңа қоныс – Қызылордаға орын тепкен театр өзінің творчестволық жұмысына ерекше құлшыныспен кіріседі. Бір кездері ұлттық профессионал сахна өнерінің дүниеге келгенін жария еткен Қызылорда қаласында театр қайта туып, сусап қалған көрерменнің рухани талабына толық жауап беруге күш салды. Мұнда да театр шымылдығын Ғабит Мүсіреповтың «Ақан сері – Ақтоқты» трагедиясымен ашады. Сонан бері 48 жылға жуық уақыт өтіпті [17].

         60 – жылдардың бірінші жартысында театр репертураында бүгінгі күннің талабына арналған пьесалар молырақ орын алады. Олардың ішінде, сирек болса да күнделікті өмір тіршілігінде кездесіп қалатын пасық болымсыздықты, оңай олжа қуған пендешілікті күлкі назайсына ілген Қалтай Мұхамеджановтың «Қуырдақ дайын», болмыстағы кейбір келеңсіз көріністерді сатиралық өткірлікпен әшкерлейтін Садықбек Адамбековтың «Күн мен көлеңке», аудармадан бурят драматургі Ш.Шагжиннің «Сандықтан шыққан сайтан» комедиялары бар.

 

Дипломдық жұмысты көшіру үшін Сатып алу мәзірінен толығырақ мәліметті алыңыз

 

Дипломдық жұмыс бойынша қысқаша мәлімет

Пән: Тарих

Жұмыс түрі: Дипломдық жұмыс

Осы жұмыстың бағасы: 2250 теңге

Дипломдық жұмыстар, Курстық жұмыстар сайтыdiplomnik.kz

 

 

Яндекс.Метрика